हनुमान जी की पूजा घर पर कैसे करें?

जय हनुमान ज्ञान गुन सागर । जय कपीस तिहुँ लोक उजागर ॥ 1॥

रामदूत अतुलित बल धामा । अंजनिपुत्र पवनसुत नामा ॥ 2 ॥

महाबीर बिक्रम बजरंगी ।कुमति निवार सुमति के संगी ॥ 3 ॥

कंचन बरन बिराज सुबेसा ।कानन कुंडल कुंचित केसा ॥ 4॥

हाथ बज्र औ ध्वजा बिराजै ।काँधे मूँज जनेऊ साजै ॥ 5॥

संकर सुवन केसरीनंदन । तेज प्रताप महा जग बंदन ॥ 6॥

बिद्यावान गुनी अति चातुर । राम काज करिबे को आतुर ॥ 7॥

प्रभु चरित्र सुनिबे को रसिया । राम लखन सीता मन बसिया ॥ 8॥

सूक्ष्म रूप धरि सियहिं दिखावा । बिकट रूप धरि लंक जरावा ॥ 9॥

भीम रूप धरि असुर सँहारे । रामचन्द्र के काज सँवारे ॥ 10 ॥

लाय सजीवन लखन जियाये । श्री रघुबीर हरषि उर लाये ॥ 11 ॥

रघुपति कीन्ही बहुत बड़ाई । तुम मम प्रिय भरतहि सम भाई ॥ 12 ॥

सहस बदन तुम्हरो जस गावैं । अस कहि श्रीपति कण्ठ लगावैं ॥ 13 ॥

सनकादिक ब्रह्मादि मुनीसा । नारद सारद सहित अहीसा ॥ 14 ॥

जम कुबेर दिगपाल जहाँ ते । कबि कोबिद कहि सके कहाँ ते ॥ 15 ॥

तुम उपकार सुग्रीवहिं कीन्हा । राम मिलाय राज पद दीन्हा ॥ 16 ॥

तुम्हरो मंत्र बिभीषन माना । लंकेस्वर भए सब जग जाना ॥ 17 ॥

जुग सहस्र जोजन पर भानू । लील्यो ताहि मधुर फल जानू ॥ 18 ॥

प्रभु मुद्रिका मेलि मुख माहीं । जलधि लाँघि गए अचरज नाहीं ॥ 19 ॥

दुर्गम काज जगत के जेते । सुगम अनुग्रह तुम्हरे तेते ॥ 20 ॥

राम दुआरे तुम रखवारे । होत न आज्ञा बिनु पैसारे ॥ 21 ॥

सब सुख लहै तुम्हारी सरना । तुम रक्षक काहू को डर ना ॥ 22 ॥

आपन तेज सम्हारो आपै । तीनों लोक हाँक तें कॉपै ॥ 23 ॥

भूत पिसाच निकट नहिं आवै । महाबीर जब नाम सुनावै ॥ 24 ॥

नासै रोग हरै सब पीरा । जपत निरंतर हनुमत बीरा ॥ 25 ॥

संकट तें हनुमान छुडावै । मन क्रम बचन ध्यान जो लावै ॥ 26 ॥

सब पर राम तपस्वी राजा । तिन के काज सकल तुम साजा ॥ 27 ॥

और मनोरथ जो कोई लावै । सोई अमित जीवन फल पावै ॥ 28 ॥

चारों जुग परताप तुम्हारा । है परसिद्ध जगत उजियारा ॥ 29 ॥

साधु सन्त के तुम रखवारे । असुर निकन्दन राम दुलारे ॥ 30॥

अष्ट सिद्धि नौ निधि के दाता । अस बर दीन जानकी माता ॥ 31 ॥

राम रसायन तुम्हरे पासा । सदा रहो रघुपति के दासा ॥ 32 ॥

तुम्हरे भजन राम को पावै । जनम जनम के दुख बिसरावै ॥ 33 ॥

अंत काल रघुबर पुर जाई । जहाँ जन्म हरिभक्त कहाई ॥ 34 ॥

और देवता चित्त न धरई । हनुमत सेई सर्ब सुख करई ॥ 35 ॥

संकट कटै मिटै सब पीरा । जो सुमिरै हनुमत बलबीरा ॥ 36 ॥

जै जै जै हनुमान गोसाईं । कृपा करहु गुरुदेव की नाईं ॥ 37 ॥

जो सत बार पाठ कर कोई । छूटहि बंदि महा सुख होई ॥ 38 ॥

जो यह पढ़ै हनुमान चालीसा । होय सिद्धि साखी गौरीसा ॥ 39 ॥

तुलसीदास सदा हरि चेरा । कीजै नाथ हृदय महँ डेरा ॥ 40 ॥

दोहा

बाल समय रवि भक्षी लियो तब तीनहुं लोक भयो अंधियारों I ताहि सों त्रास भयो जग को यह संकट काहु सों जात न टारो I

देवन आनि करी बिनती तब छाड़ी दियो रवि कष्ट निवारो I को नहीं जानत है जग में कपि संकटमोचन नाम तिहारो I

बालि की त्रास कपीस बसैं गिरि जात महाप्रभु पंथ निहारो I चौंकि महामुनि साप दियो तब चाहिए कौन बिचार बिचारो I

कै द्विज रूप लिवाय महाप्रभु सो तुम दास के सोक निवारो I को नहीं जानत है जग में कपि संकटमोचन नाम तिहारो I।

अंगद के संग लेन गए सिय खोज कपीस यह बैन उचारो I जीवत ना बचिहौ हम सो जु बिना सुधि लाये इहाँ पगु धारो I

हेरी थके तट सिन्धु सबै तब लाए सिया सुधि प्राण उबारो I को नहीं जानत है जग में कपि संकटमोचन नाम तिहारो I।

रावण त्रास दई सिय को सब राक्षसी सों कही सोक निवारो I ताहि समय हनुमान महाप्रभु जाए महा रजनीचर मारो I

चाहत सीय असोक सों आगि सु दै प्रभुमुद्रिका सोक निवारो I को नहीं जानत है जग में कपि संकटमोचन नाम तिहारो I।

बान लग्यो उर लछिमन के तब प्राण तजे सुत रावन मारो I लै गृह बैद्य सुषेन समेत तबै गिरि द्रोण सु बीर उपारो I

आनि सजीवन हाथ दिए तब लछिमन के तुम प्रान उबारो I को नहीं जानत है जग में कपि संकटमोचन नाम तिहारो I।

रावन जुद्ध अजान कियो तब नाग कि फाँस सबै सिर डारो I श्रीरघुनाथ समेत सबै दल मोह भयो यह संकट भारो I

आनि खगेस तबै हनुमान जु बंधन काटि सुत्रास निवारो I को नहीं जानत है जग में कपि संकटमोचन नाम तिहारो I।

बंधु समेत जबै अहिरावन लै रघुनाथ पताल सिधारो I देबिहिं पूजि भलि विधि सों बलि देउ सबै मिलि मन्त्र विचारो I

जाये सहाए भयो तब ही अहिरावन सैन्य समेत संहारो I को नहीं जानत है जग में कपि संकटमोचन नाम तिहारो I।

काज किये बड़ देवन के तुम बीर महाप्रभु देखि बिचारो I कौन सो संकट मोर गरीब को जो तुमसे नहिं जात है टारो I

बेगि हरो हनुमान महाप्रभु जो कछु संकट होए हमारो I को नहीं जानत है जग में कपि संकटमोचन नाम तिहारो I।

दोहा

॥ बजरंग बाण ॥

निश्चय प्रेम प्रतीति ते, विनय करैं सनमान | तेहि के कारज सकल शुभ, सिद्ध करैं हनुमान ||

जय हनुमान सन्त हितकारी। सुनि लीजै प्रभु अरज हमारी | जन के काज विलम्ब न कीजै। आतुर दौरि महा सुख दीजै ||

जैसे कूदि सिन्धु वहि पारा। सुरसा बदन पैठि विस्तारा | आगे जाय लंकिनी रोका। मारेहु लात गई सुर लोका ||

जाय विभीषण को सुख दीन्हा। सीता निरखि परम पद लीन्हा | बाग उजारि सिन्धु मंह बोरा। अति आतुर यम कातर तोरा ||

अक्षय कुमार को मारि संहारा। लूम लपेटि लंक को जारा | लाह समान लंक जरि गई। जै जै जै धुनि सुर पुर में भई ||

अब विलंब केहि कारण स्वामी। कृपा करहु उरु अन्तर्यामी | जय जय लक्ष्मण प्राण के दाता। आतुर होई दुख करहु निपाता ||

जै गिरधर जै जै सुख सागर। सुर समूह समरथ भट नागर | ॐ हनु-हनु-हनु हनुमंत हठीले। वैरहिं मारू बज्र की कीलै।|

गदा बज्र तै बैरिहीं मारौ। महाराज प्रभु दास उबारों | ओंकार हुंकार महावे। बज्र गदा सदा विलम्ब न लावो ||

ॐ ह्रीं ह्रीं ह्रीं हनुमंत कपीसा। ॐ हुँ हुँ हुँ हनु अरि उर शीसा | सत्य होहु हरि शपथ पाय कै। राम दुत धरू मारू जाई कै ||

जै जै जै हनुमन्त अनन्त अगाधा। दुःख पावत जन केहि अपराधा | पूजा जप तप नेम अचारा। नहिं जानत है दास तुम्हारा ||

वन उपवन मग गिरी गृह माहीं। तुम्हरे बल हम डरपत नाहीं | पांय परौं कर जोरि मनावौं, येहि अवसर अब केहि गोहरावौं ||

जय अंजनि कुमार बलवन्ता, शंकर सुवन वीर हनुमन्ता | बदन कराल काल कुल घालक, राम सहाय सदा प्रतिपालक ||

भूत, प्रेत, पिशाच निशाचर, अग्नि बेताल काल मारी मर | इन्हें मारु, तोहि शपथ राम की, राखउ नाथ मरजाद नाम की ||

जनकसुता हरि दास कहावो, ताकी शपथ विलम्ब न लावो | जै जै जै धुनि होत अकासा, सुमिरत होत दुसह दु:ख नाशा ||

चरन शरण कर जोरि मनावौं, यहि अवसर अब केहि गोहरावौं | उठु उठु चलु तोहि राम दुहाई, पांय परौं कर जोरि मनाई ||

ॐ चं चं चं चं चपल चलंता, ॐ हनु हनु हनु हनु हनुमंता | हं हं हांक देत कपि चंचल, सं सं सहमि पराने खल दल ||

अपने जन को तुरत उबारो, सुमिरत होय आनंद हमारो | यह बजरंग बाण जेहि मारै, ताहि कहो फिर कौन उबारै ||

पाठ करै बजरंग बाण की, हनुमत रक्षा करै प्राण की | यह बजरंग बाण जो जापै, ताते भूत-प्रेत सब कांपै ||

धूप देय अरु जपै हमेशा, ताके तन नहिं रहै कलेशा ||

प्रेम प्रतीतिहिं कपि भजै। सदा धरैं उर ध्यान | तेहि के कारज सकल शुभ, सिद्ध करैं हनुमान ||

पअंत में मंत्र जप:

“ॐ नमो भगवते हनुमते नमः” (108 बार)